ممكن تردى على سؤالى..انتى مستنيه ايه؟؟

ممكن تردى على سؤالى..انتى مستنيه ايه؟؟
السلام عليكم ورحمه الله وبركاته
ازيكو جميعا
انا كلامى النهارده موجه لكل بنت مرتبطه
مقصدش مخطوبه او مكتو بكتابها لا اقصد الى مرتبطين عاطفيا ارجوكى متقفلوش الموضوع وتقولو زهقنا من الكلام ده بلاش تردو بس جاوبو على سؤالى بينكم وبين نفسكو
ومش زى مواضيع كتير هدخل اوعظ بس هقولكو وجهه نظرى وهسالكو سؤال وبعد كده ليكو حريه الاختيار بس ياريت تستحملونى وتقرو للاخر
اول حاجه عايزه اقولها واول سؤال هساله ياترى انتى شايفه الشخص الى انتى بتحبيه ده بيحبك اكتر ماهلك بيحبوكى؟؟؟

اكيد كلنا هنقول لا لانه ببساطه لو انتى جرحتيه فى يوم من الايام ودوستى على كرامته هيسيبك انما مهما جرحتى فابوكى وامك بيدعولك بالهدايه
لو تعب ومسالتيش عليه بيزعل واهلينا بيتعبو بالايام وميقولوش عشان ميححسسوناش بتعبهم وممكن ميجيبوش العلاج عشان احنا اولى بفلوس العلاج
لو مزنوق فى فلوس مطلوب منك تتحملى ظروفه واهلينا لو لقونا محتاجين فلوس بيعملو المستحيل عشان يرضونا
لو غلطى فى حقه ورجعتى اعتزرتى وارد جدا ميقبلش واهلنا ياما بنغلط فى حقهم ومن قبل منعتزر بيسامحونا
ممكن جدا يبقى انسان كويس ويصون العشره الى بتبقى عمرها سنه ولا اتنين وممكن جدا يبقى لا
انما اهلك مستحملينك بقالهم 20 سنه يمكن اقل شويه يمكن اكتر شويه وفرحانين ومبسوطين وانتى بتكبرى ونفسهم يشوفوكى احسن واحده فى الدنيا
عايشين عشانك
بيحرمو نفسهم عشانك
بيعاملوكى اوقات بقسوه عشان يحافظو عليكى من قسوه الدنيا الى مبترحمش
تفتكرى دلوقتى تختارى مين اهلك ولا هو
شيفاه يستاهل تخونى اهلك عشانه
شايفاه يستاهل حد يشوفك وسمعتك تروح وتحطى راس اهلك فى الارض عشانه
شيفاه يستاهل كسره عين اهلك لما يعرفو
شيفاه يستاهل لما بباكى ومامتك يجرالهم حاجه لما يلاقو حلم عمرهم فيكى بيروح
هيعوضك عنهم وعن رضاهم؟؟

انا عارفه انى طولت بس معلش كملى معايا للاخر
حبيبك ولا ربنا
لما قريتى الكلام الى فات شوفتى اهلك بيحبوكى قد ايه
طب تخيلى ان ربنا رحمته اتوزعت100 جزء
نزل منها جزء واحد فى الارض
الجزء الواحد ده بيتمثل فى رحمه الاهل وحبهم لاولادهم والرحمه بين الاقارب والاصدقاء فى الدنيا كلها والمخلوقات كلها متخيله جزء واحد من الرحمه هو ده الى الارض عايشه بيه الارض كلها شوفى كام مخلوق كام ام واب من جميع المخلوقات من بدايه العالم حتى قيام الساعه
طيب وال99 الباقى
ربنا احتفظ بيهم لنفسه
يااااااااااه جزء احد على جميع المخلوقات عدد لا حصر له و99 لربنا بس تخيلى هتبقى رحمه ربنا علينا عامله ازاى
يبقى مين بيحبنا اكتر اهلنا ولا ربنا
اكديد وانتى مغمضه دلوقتى هتعرفى انه ربنا
ربنا ده الى لو كل يوم بتغلطى وكل يوم استغفرتى هيغفرك ربنا الى عارفك اكتر من نفسك ربنا الى مبيظلمش حد من عباده ربنا الغفور الرحيم ربنا الى مبيردش يد عبد اترفعتله بالدعاء
طيب بزمتك لما بتستنى النتيجه وتبقى خايفه بتقولى يا ايه....؟؟
لما بتبقى فى مشكله بتقولى يا ايه....؟؟
لما حد عزيز عليكى بيتعب بتقولى يا ايه.....؟
لما بتعوزى حاجه بتقولى يا ايه....؟
بتقولى يا حبيبى ولا بتقولى يا اهلى ولا بتقولى ياااااااارب
ربنا اغلى عندك ولا حبيبك
يستاهل حبيبك تغضبى احن واحد عليكى من نشاه الارض حتى قيام الساعه
يستاهل حبيبك انك تخونى ثقه اهلك وتبقى ابنه عاقه وبالتالى يغضب ربنا عليكى
بستاهل ميتقبلش ليكى دعوه
يستاهل تدخلى النار عشانه وتتحرمى من رويه نور وجه ربنا ومن رؤيه الرسول وانك تشربى من يد الرسول
يستاااااااااهل؟؟
طب والكارثه الكبيره بقى
اقولك حاجه مش هقولك سيبيه عشان خاطر ربنا بس لما تبقى معاه اضمنى انك تعيشى لغايه متسيبه وتروحى بيتكم
لو عرفتى تضمنيها اعملى معاه كل الى انتى عايزاه
طب تخيلى لو جه امر ربنا ساعتها ايه رايك بقى فى شكل الموته دى هتعملى ايه متنسيش ان احن واحد ده منتقم جبار شديد العقاب ومتنسيش ان الناس الى انتى خايفه يشوفوكى هتتفضحى قدامهم لان هيبان عليكى علامات سوء الخاتمه دى مبتستخباش وتخيلى انك هتبقى لوحدك فى قبرك حبيبك ده هيبقى فى بيتهم مش هينفعك

طب بلاش دى اضمنى انك هتتجوزى ده ان هو ده نصيبك وان ربنا مش كاتب حاجه تانيه لو عرفتى تضمنيها برضه خليكى معاه

طبعا مستحيل حد يضمن دى ولا دى
يبقى اخر سؤال
انتى مستنيه ايه؟؟

مستنيه ايه منتيش ضامنه عمرك ومع ذلك بتزنى حتى لو مبتعملوش حاجه غلط من وجهه نظرك انتى
ده الى بتحط برفان وحد يشم ريحتها تبقى زنت فما بالك بالى بتعرف ولد وتكلمه وتخرج معاه

مستنيه ايه متضمنيش مهما وصل الارتباط بينكو هو ده نصيبك ولا لا افردى ملكوش نصيب تكملو يبقى مخدتيش غير عمر راح وقلب مبقاش مستحمل يحب من كتر الجرح الى فيه وسمعه راحت عمرها مهتتعوض لو عملتى ايه وكسره عين اهل كان كل مناهم يشوفوكى احسن واحده فى الدنيا ولو المووضع كان متطور قوى بقى يبقى مستقبل كمان راح وملكيش غير الندم

مستنيه ايه فوقى بقى مفيش حاجه تستاهل تعملى فى نفسك كده ربنا خلقك غااااليه
وصى اهلك يجوزوكى لواحد عنده دين وخلق مش لاى حد عشان يراعيكى ويعامل ربنا فيكى عشان تبقو اسره مسلمه
بترخصى نفسك ليه لو محصلش نصيب هو هيروح يجوز وهو حاطت رجل على رجل طب وانتى
من يوم مارتبطى اتنازلتى قد ايه اتنازلتى تنازلات لو اى عريس جاى بيتكم ومتقدم مش هتتنازليها
عشان بتحبيه كذابه الحب يعنى تبقى مرتاحه وانتى مع الشخص ده تبقى حاسه بامان تبقى مبسوطه وانتى معاه ونفسك تبقو احسن حاجه سوى
ياترى ايه احسن؟؟ لحظه رومانسيه وعينك فى عين الى بتحبيه ولا تبقى عيونك بتتلفت حواليكى خايفه حد يشوفكو
ايه احسن يبقى تركيزك فى كل كلمه حلوه بيقولهالك ولا وقت مبتسمعى الكلام الحلو تبقى بيتقولى ياترى كمان كام سنه هبقى معاه فى الحلال ولا بعيط فى اوضتى لواحدى على زكريات

انا مش ملاك ولا انتو شياطين احنا بنى ادمين انا غلط وانتو غلطو وكلنا بنغلط بس ربنا حنين علينا قوى واهلينا بيحبونا قوى واحنا غالين قوى صدقونى يستحقو مننا نراعيهم
ونحافظ عليهم وعلى نفسنا
جربو تصلو باليل وبلاش تدعو اتكلمو مع ربنا فضفضو مع ربنا اعترفو انكو بعدتو عنو قولوله عايزين نرجعلك
صدقونى مفيش فى الدنيا راحه قد الى هتحسيها وانتى بتتكلمى مع ربنا ولا حلاوه هتدوقيها احلى من حلاوه القرب من ربنا
يا بنات انا بجد خايفه عليكو قوى وخايفه على نفسى
اقرى شكاوى المحتاره دى مصايب تخيلى لو الى انتى فيه ده وصلك انك تكتبى مكانها فى يوم من الايام لان البدايه بتبقى مجرد ارتباط بس العواقب ربنا يستر علينا منها

ارجو التقيم يا جماعه لو شايفينه يستاهل عشان بنات كتير يشوفوه

اختكم نوجه الى بتحبكم قوى وخايفه عليكم قوى قوى

» من انتى
» انتى اجمل
» كاذبة أنتي 00!!
» اجمل نساء الكون انتى
» مراته ندلة... لا مش ممكن..!!