اطفال ميروو كوول

]
اوصف لنا طفولتك(بالتفصيل)

كانت طفوله كلها لعب وضحك وطيش وشقاوة وجرأه وعملت فيها كل ما يخطر على بال طفل وما لايخطر

2-هل تتمنى ان تعود طفلا؟ولماذا؟

لا لانى عيشتها بكل ما فيها وبكل تفاصيلها اعتقد مفيش شى ممكن ارجع احققه تانى

3-هل كنت طفلا مدللا؟
لا بالعكس كنت اكره الاطفال المدلله مش حقد منى عليهم لانهم كانوا فى نظرى وقتها عيال خيبه

4-هل ممرت بصعوبات خلال فترة طفولتك؟
لا غير شى واحد بس وحتى الان معى وهو انى كنت بليده اووى فى مادة الحساب كان عقدتى وكنت دايما بنجح فيه بالعافيه

5-هل كنت طفلا هادئا ام خجولا ام مشاغبا؟
مشاغب هذه كلمه بسيطه عما كانت فيه طفولتى كنت طفله قويه تقدرى تقولى كده مفتريه صعب حد يجى على حق من حقوقى

6-اذكر لنا حادثا مر بك خلال طفولتك ولم تنساه للان؟
ههههههههههههههه فكرتينى بصراحه مش حادث واحد ده كتير اووى بس اتذكر منهم تحديدا حدثين لانهم كانوا هيبقوا اخر ما لى فى الحياه اولهم انى كنت مره فوق السطح بلعب مع ولاد الجيران وكان سطحنا اعلى بدور من سطح جيراننا وكانوا جيرانا ناشرين غسيلهم وانا بطبعى كنت شريره شويه كنت برمى على الغسيل طوب وزلط وانا برمى رجلى اتزحلقت ووقعت على سطح جيراننا دوول والغريب والاطرف من انه غريب انى قمت اجرى ولم يحدث لى اى شى وكان كل خوفى يدرك جيراننا ما فعلته فى غسيلهم.
الحدث التانى انه مره عزمتنى بنت الجيران انى اروح معاها حمام السباحه فى النادى وطبعا ولانى شقيه مش بسمع الكلام روحت معاها من غير امى ما تعرف واستلفت كمان منها المايوه على فكره انا مش بعرف اعوم حتى الان المهم دخلنا حمام السباحه المفروض نروح المخصص للاطفال لكن انا لقيته زحمه وما عجبنيش فروحت حمام التدريبات الخاصه بالشابات واول ما نزلت لقيتنى بقب واغطس لحد ما انقذونى فى اللحظات الاخيره وحتى الان لم اقول لاحد على هذا الموقف .

7-اين كنت تقضي معضم وقتك؟
مع اصدقائى فى كل مكان ممكن يكون فيه اطفال

8-لعبتك المفضلة؟
هى نفس لعبة نانا بس عندنا بنسميها (الاولى) وكان منها نوعين العاديه والعفريت

9-هل كنت طفلا اجتماعيا ام انطوائي ولا تحب اللعب والمخالطة؟
عمرى ما كنت اكون فى مكان هاديه او ساكته ابدا دائما اللعب والمخالطه هما هدفى فى طفولتى

10-لديك اصحاب من الطفولة؟وهل بقيت معهم ام باعدتكم الاقدار؟
نعم لدى اصدقاء من جميع مراحل عمرى حتى يومنا هذا على لقاء بهم يمكن على فترات متباعده لكنى على اتصال بهم

11-هل كنت تحب افلام الكارتون؟وما هو كارتونك المفضل؟
طبعا كنت اعشقه جدا وكان الشىء الوحيد اللى يخلينى افضل هاديه لاستمتع بمشاهدته وكان كارتونى المفضل توم اند جيرى و مازنجر و سلاحف النينجا

12-كيف كانت علاقتك باخوانك واخواتك؟
كانت متغيره وقت لعب وحب وكتير حرب وضرب

13-ما هو اصعب موقف حدث لك في طفولتك ولم تستطع نسيانه؟
اصعب موقف حصل كنت مره نازله من سلم البيت واتفاجأت بحرامى وكان معاه طفله يحاول سرقة حلقها وقتها انا اتسمرت مكانى ومقدرتش اتحرك الا بعد الحرامى ده ما جرى ادامى بعدها بشويه طلعت قلتلهم طبعا كان الحرامى هرب والله اعلم عمل ايه فى الطفله دى.
14-هل هناك انسان معين غرت منه في طفولتك..ولماذا؟
ايوة هىء هىء كنت بغير من ولاد الجيران وهم بيحضروا للمصيف

15-صف لنا موقفك اول يوم دربنا يهديكك للمدرسة
كنت فى حالة زهول مش عارفه حاجه ولا انا جايه هنا ليه ما انا كنت بتعلم فى حضانه يبقى لزوم المدرسه ايه واللى زعلنى اووى انى لما انتهى اليوم الدراسى لقيت كل الامهات فى انتظار اولادهم الا انا فرجعت البيت ولانى اروبه وعارفه الطريق ورجعت لقيت امى مشغوله فى تحضير الاكل فلومتها على كده قالت لى مش عرفتى تيجى لوحدك يبقى بكره هتروحى كمان لوحدك شوفتوا القهر.


16-شيء كنت تتمناه بطفولتك ولم تحصل عليه؟
من صغرى وانا نفسى اعيش فى فيلا فيها حمام سباحه ولحد الان وان ليسه ما حققتش الحلم ده ههههههههه

17-حلم الطفولة ما هو؟ وهل حققته؟
انى اكون محاميه كنت دايما بقف على اعلى شىء فى البيت واقول يا حضرا المستشارين زى الافلام لكن لما كبرت غيرت رأيى طبعا لا يمكن اكون سفسطائيه ههههههههه.

18-ما هي الكلمات التي كنت ترددها في طفولتك؟
وانا مالى _ ماليش دعوه _ كل حاجه انا انا قولى لحد غيرى الكلمات دى لامى طبعا

19-هل كنت مطيع لوالديك؟؟؟
هههههههههههه لاء طبعا عمرى ما قلت حاضر ابدا بس كنت بنفذ الامر برضو بالقهر والعصا .

بختار انا بقا سنابل عايزه اعرف شكل طفولة رمز الضحك والبسمه لينا