مليون قصيدة يا عرب.... قصيدة (مسموعة) باللهجة الصعيدية المصرية

مليون قصيدة يا عرب

قصيدة باللهجة الصعيدية المصرية

لسماع القصيدة، اضغط على هذا الرابط:

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]
	مفتتح: أمريكا قالت: "يا عرب... العلم قال.. انّ السما من غير عمود" احنا العرب.. قُلنا: "دى قُدرة ربّنا" أمريكا قالت: "يا عرب... العلم قال.. الكون ما بتحدُّوش حدود" احنا العرب.. قلنا: "دى حكمة.. ربّنا" أمريكا قالت: "يا عرب، العلم قال... القدس من حق اليهوووووووود" احنا العرب... قلنا: "يبارك ربنا"!!! القصيدة: مليون قصيده يا عرب مليت خلاص من دى القصايد والخطب مليون قصيده عفّنت وريحتها فاحَت م العطب مليون قصيده يا عرب * مليون قصيده ع الورق متستفه وْ... متحنتفه وْ... لسه الإيدين... متكتفه وْ... متلفلفه.. بقيود ولكن مش حديد دى قيود يا ناس من نوع جديد طب هيه إيه؟!! جندى يهودى جاب لبانته اللى في بقه و شدها زى الخيوط قاموا العرب مدوا إيديهم ناحيته قام لفها حوالين إيديهم أصبحت هيه القيود!!! ميته إيديكم يا عرب تقوى على الخيط الضعيف؟!! و تقطعه بنفخة هوا من صدر واحد منكم قلبه صحى... أو مستحى... مليون قصيده يا عرب كان نفسها تتقال في يوم الإنتصار كان نفسها تهرب من الليل... للنهار كان نفسها تخرج عن السطر الضريح و تسابق الريح اللى رايحه تحرر الأقصى الجريح كان نفسها وكان نفسها وكان نفسها... لكن كسرتم نفسها...!!! ميته تفوقوا يا عرب؟!! و القدس اهه محبوسه في أوضة يهودى بتغتصب و انتم خواتها و بكره ييجى الدور عليكم و هتدخلوا أوضة اليهودى اللى بناها بجبنكم من غير حيطان... ما انتو اكتفيتم بال... قصايد والخطب يادى القصايد والخطب خلتنا نهزم إسرائيل... جوا الكتب!! ورق القصايد والخطب بتقطعوه و تلفلفوه علشان تسدوا بيه ودانكم لاجل ما تسمعش صرخة مستغييييث... ندل وخسييييس كل اللى عرضه راح هدر ما مسحش عاره كل اللى أرضه بتنسرق و ما خدش تاره مليون قصيده يا عرب قالت لكم: "قوموا نحاااااارب..." ما سمعتوهاش قالت لكم: "قوموا نجرب نبقى رجاله و اهى الدنيا تجاااااارب..." قلتم:"بلاش" قالت لكم: "القدس بتنادى ( كفاااااايه!! دايمًا عليه حاولوا يوم تبقوا معاااايه!! )" ما فهمتوهاش... * لفيت على كل العرب و باقول لهم: "قوموا يا فرسان العرب للمعركه... قوموا يا فرسان العرب للمعركه... قوموا يا فرسان العرب للمعركه..." اللى يقول لى: "لو نحارب مسكونى سيف ( عمر ) و احنا ضرورى ننتصر" يا سيف ( عمر )... ما تقول لى إيه السر فيك حدادك اللى صنعك ركب زرار النصر فيك؟! خلاك تحارب تنتصر حتى ولو في إيدين جبان؟!!! و اللى يقول لى: "لو نحارب ركبونى حصان ( صلاح ) و تلاقوا عصر الظلم راح" يا حصان ( صلاح )... ما تقول لى إيه خلاك بطل؟!! كات وكلتك وكلة ميتين م الاحصنه؟! ولا تلاقيك بعشر رجول! ولا براسين! بتخش أرض المعركه و بتنتصر حتى ولو كان اللى راكبك ماسك الخمره وحاضنها بين شفايفه!!! * المعجزه مش في الحصان... و لا عمرها كانت في سيف... عايزين نجمع يا عرب من كل دوله ميت جنيه و ننقى حتة أرض (( طاهره )) نبنى عليها مصنعين واحد يصنع لينا جيش مابينهزمش يركب على ضهر الحصان و التانى يعمل لينا كام دستة إيدين علشان تحارب بالسيوف لو مامعاكوش... لو مامعاكوش حق المبانى يا عرب أنى مستعد أتباع في سوق النخاسين و ادفع لكم و لما تبقو أغنيا بين الأمم ابقوا ساعتها ردوها لى * و بالمناسبه... قبل ما اخلص كلام... أمريكا باعته لكم سلام... بتقول لكم: "متشكرين لولاكم انتو يا عرب ما كانتش ليا منزله بين الأمم إنتو اللى وطيتم عشان نركب على اكتافكم سنين و عشان كده بنقول لكم من قلبنا متشكريييين... و عشان كده راح اوصى إسرائيل عليكم علشان تبطل ضرب فيكم ... يا إسرائيل... يا بنيتى اطمنى... مافيش سلام... لكن بلاش الضرب في بلاد العرب يا إسرائيل دا مش عشان انتى رحيمه وطيبه يا بنيتى لكن عشان... ( الضرب في الميت... ... حرام... )********

لك دخيل البــــــــــــــــــــك انا ويسلملي اللغه المصريه

كم احبها واحب لغتهم

نعومي ابدعتي حبيبتي

وابدع قلمك بالنثر والشعر وابدع رموزك يا عسل

ومتل ما قلتي لو الضرب بالميت حرام

لو كان التمثال يتكلم كان الرؤساء اتكلمت [ندعوك للتسجيل في المنتدى أو التعريف بنفسك لمعاينة هذه الصورة]

تقبلي مروري يا عسسسسسسسسسسسل

[ندعوك للتسجيل في المنتدى أو التعريف بنفسك لمعاينة هذه الصورة]

ولك دخيلك ما اطيبك مين ما بيحب اللهجة المصرية او اهل مصر
شكرا هالة حبيبتي على مرورك وردك وطلتك الحلوة
بس عجيتني هل العبارة كتير
لو كان التمثال يتكلم كان الرؤساء اتكلمت [ندعوك للتسجيل في المنتدى أو التعريف بنفسك لمعاينة هذه الصورة]
مش راح علق

تسلمي حبيبتي لحضورك المميز يا قمر
دمتي بخير

الكلام جامد جامد جامد ملوش حل
ايه الجمال ده يا جدعان
بصراحه كنت هقول لا تعليق لان القصيده جامده وبتقول كل التعليقات اللى جت على بالى

تعليقى كلمه وحده هقولهالك وتستاهليها بجداره وارميلى قلم وكشكول وانا اديكى عشره على عشره وابصم بالعشره

تعليقى >>>>>>>>>>>>>>>>>>>>>>> مبدعه [ندعوك للتسجيل في المنتدى أو التعريف بنفسك لمعاينة هذه الصورة]

زائر

بصراحة لا تعليق .................الكلام روعة وبيوجع اي ضمير عربي حي وانا معك تعليق هالة عجبني كتير هههههههههه
تسم دياتك يارب

فعلا بعد هل الكلام ما في اي تعليق
دايما بتبهريني بردك وطلتك شوشو

دايما بيشرفني وبيسعدني حضورك المميز
دمتي بود

قصيده جمبليه وروعه يسلمووووو كتير على الطرح الرائع

» قصيدة أعجبتنى ................
» طفيت شمعتي باللهجة الشامية
» قصيدة حب
» قصيدة حلوة
» قراءة في قصيدة