بقا كل ده يطلع منك يا مصطفى
وانا اللى كنت مفكرك جزار وبس يا درش
دا انت طلعت شاعر جامد اوى
بس يعنى مش لاقى الا عنتر وعبله يا راجل ؟
اكتب عن الحب بتاع الايام دى
حب كده ساكن القلب ويسحر العيون ويخلى الصعب يهون
مش ماسكلى عنتر وعبله تكتبلهم شعر
طب عبله كانت هبله طول النهار عماله تحدف النخل بالطوب وتاكل بلح
وعنتر عامل فيها محمد هنيدى وبيتنطط من الخيمه دى للخيمه دى واخر ما يزهق يروح يتشطر على شيبوب يضربه بالقلم على وشه
بس بينى وبينك يا مصطفى
قلمك جامد اوى وتسلم عالكلام الحلو ده وتسلم ايد اللى نقلته
عليا النعمه اللى نقلته دى احلى من عبله بكتير يا جدع
وتستاهل ان الواحد يفضل يكتب فيها شعر عمره كله
عالعموم نسيب عم مصطفى بئا ونشكر الاخت نعومى على طرحها الجميل ده
وبتمنى ان اكون خفيف على مواضيعها الجميله دى
امير