دعاء واحد مصري مطحون

:::: دعاء واحد مصري مطحون::::

اللهم أنقذنا من نفسنه الزملاء .. وغباء الأصدقاء ومفاجأة الأعداء

اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفه عربيات المسئولين، وزحمة الشوارع في كل حين
وسحب الرخص في كل كمين.. من الغلبان مش م المتين

اللهم اهدى لنا سواقين الميكروباص
ومدير الشركة البصباص

اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..
وشر شلل البنات.. ولؤم الستات وغباوة الحموات
والمينيمم تشارج كافيهات ..
وهيافة الصحف والمجلات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
ووقوع السيرفر وقفلة السايتات

اللهم ارفع مستوى الفريق القومي..
لمستوى أنبى والحدود.. أو حتى مستوى أسمنت أسيوط
أو أرسل يارب عليه صاعقة .. بدل ما يخلونا نموت..

اللهم سدد أقساطنا.. وضلل عنا مآمير الضرايب
اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح
حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب
واحمي يارب سماء مصر من سحابة الهباب
واكفنا شر صاحب الدقن الكداب
وصاحب التصريحات النصاب

اللهم ارزق كل بنت بعريس هدية..
وكل شاب بوظيفة وشقة وعربية

اللهم أحرق الـ0900
واضرب الحرامية بالحرامية
ونجح أي طالب في أي كلية
حتى ولو كان في التربية الموسيقية

ههههههههههههههه
والى عجبنى بقى المينيمم تشارج
تبقى ماكسمم تشارج ههههههههههههههه عشان الرجالة ما يصرفوش فلوسهم فى الكافيهات

ههههههههههههههههههههههههههههههههههههههههههههههههههههههة

عندك حق يااحلى دانة

والله منورة حبيبتى

» هدية لكل مصري بالمنتدى
» اسلوب مصري على كيف كيفك
» مصري كاتب رسالة بالانجليزي
» كيف تعرف انك تشاهد فيلم مصري؟؟؟؟؟؟؟؟؟؟؟؟؟؟؟؟؟؟
» رسالة مصري لصديقه بالانجليزي هههههههه