ميـن دَلـَّكْ للشاعر اللبناني اسعد سابا

ميـن دَلـَّكْ

[size=24]ميــن دَلـَّك، بالهـوى، عَ بيتْنـا --- مُرِّ النَّوى بْكاس العذاب سْقَـيْـتْنا
وْمارْبِحْنـا بْعِـشْرِتَـك غير الألـم--- حبَّيْتْنـا!! وْيارَيْـت ما حبَّيْـتنـا
فْرِشْنا طَريقَك ورْد يِضْحَـك للدّلال --- وْقِلْنا جَمالَك ما انْشَغَل متْلُو جمال
وعْمِلْتـْنا زَهْـرِة غَرامَك والخَيـال --- ورْمَيْـتْنا من بعد ما شمّـيْـتـنا
ألله! شـو حمّـلتـْنـا قهْر وْضَنـا --- انْ كان الغِنى بالوهْم هالْقلب اغْتَنى
ما عاد مَـرَق عَ بـالْنا طيف الهَنـا --- من يَوم ما بْضَـوّ القمـر حاكَيْتْنا
عْلَيْنا انْ كِنِتْ عتْبان لا تِخْفـي العَتَب --- مِن هالعَداوِة ما بْيِجي غير التّعَبْ
دلَّيْتنـا عَ درب حُبَّك .. شو السَّـبب --- ضيَّعتـْـنا من بعد ما دلَّيْـتنـا؟؟
لَـيش تِقهـر قلب بيـرَفْرِف مَعَك؟ --- شو وَلـَّعَك بِغَيرْنـا شو وَلـَّعَك؟
لَوَّعْـتنـا .. بُكرا الهوى بيلَـوّعَك --- بِتْعود تِنْدَمْ قـدّ مـا عادَيْـتـْنـا [/size]

شو هيدا نعومي لك يؤبشني زؤئك شو حلوووووووو اي والله مين دلك ههههههههههههههههههههه عنجد اختبيارك حلو كتير كلك زؤء ورومنسية يا احلى نعومي بالدنية منورة دوما بمشاركاتك الحلوة والي بتعطر منتدانا