الوصايا العشر من سلسلة ازاى تحرق دم خطيبتك !

اهلا بشباب جمهوريتنا كلها
جمهورية مصر العربية - ام الدنيا
يعنى ام اوروبا و ام آسيا و ام اميركا و اللى جابوا امريكا
الموضوع هيبقى باللكنة العامية المصرية 100 %

بم ان انا و اعز اصدقائى كنا قاعدين على الكورنيش زى القرود
و قاعدين نتفرج على الناس المخطوبين و بنتكلم عليهم
شوفنا موقف كدة الظاهر الواد زعل البنت و حصلت مشكله ( ههههههه ) حسدناهم
فبكل عفوية سألنى صديقى ايه ده ! هى خطيبتى هتبقى تعمل معايا كدة ! ؟
قولتله يابنى بعد عمر طويل ان شاء الله هعلمك ازاى تحرق دم خطيبتك
و قررت اقوله على الوصايا العشر من سلسلة ازاى تحرق دم خطيبتك !
1 - طبعا هى هتاخدك فى كل حتة علشان تتفشخر بيك قدام اصحابها البنات ما انت القرد بتاعها ههههه
هتكلمك تقولك يالله بينا ننزل تقولها روحى يا حبيبتى و انا هحصلك و ادخل نام لك ساعتين
ده انت غلبان و طالع عين ام اللى جابوا ابو عم احمد بتاع الفووول
2 - لو صحيت من النوم نقّى اقذر هدوم عندك و مفيش مانع لاستخدام المقص فى تشويه الهدوم و نعكش شعرك كدة
و بعدين انزل لخطيبتك و اصحابها بقى و بعدين كل شوية تحط صباعك فى مناخيرك و حاول تدخل صباعك كله فيها
3 - لو دخلتوا مطعم بقى خلى بالك معايا كُل بشراهه كأنك مشوفتش اكل قبل كدة و متنساش اطلب اكل كتير
و اطلب حاجة ساقعه و متنساش الاصوات المصاحبة للانتفاخ الناتج عن الصودا
4 - لو جالكم الحساب و انتوا قاعدين فى المطعم او الكافى بص فيه و قول ايه ده انتوا اسعارك نااااار عشان اصحاب
خطيبتك يعرفوا انك بخيل و قولهم حاسبوا بقى عشان انا معايا 3 جنيه و 75 قرش مش هيكفوا
5 - بعد الاكل قولهم انا رايح ارجّع فى الحمام و ادخل على اى حنفيه و حط على بنطلونك شوية ميه
و اطلع اللى تشوفه سلم عليه و بوسه
6 - لما تخرجوا تانى ان شاء الله قولهم المكان اللى كنا فيه ده مستحيل نروحه تانى
ده اسعارهم نار و كفاية اللى دفعته لكم المرة اللى فاتت ( ألبس لهم الوش ) .
7 - لما تحبوا تتفسحوا فى اى حته و يقولولك هات العربية قولهم العربية بايظة و ركبهم ترام
او اوتوبيس او سيرفيس او مشروع و لو فيه توك توك ماشى
8 - هات معاك بـ 50 قرش لب و بـ 50 قرش سودانى و ازازهم و تف من الشباك و مفيش مانع تبص ورا و انت بتّف القشر
9 - اوعى تتصل بيها على الموبايل فى اختراع اسمه كلمنى شكراً ببلاش
10 - فى عيد ميلادها او اى مناسبة خاصة كفاية نص كيلو موز او بجنيه بصل اخضر عشان الميزانية متخرّمش
و فى النهاية اتمنى لكم حياة سعيدة و مليانة دفئ و درجة الحرارة 100 و نهاركم سعيد

يا سلام على الحب

[ندعوك للتسجيل في المنتدى أو التعريف بنفسك لمعاينة هذا الرابط]

كويس كويس تنفع بردو
تشكر يا جميل

يا لهوى عليك دا انا لما اتخطب ان شاء الله قولوا امييييييين لو خطيبي عمل ربع اللى بتقولوا دا مجرد انه يتاخر بس عليا اخلعه من قبل ما نتجوز دا انت عجيب يا بيكو ............ انا لازم اشن عليك حمله هجوميه جامده اوى اى اوى ... اصبر بس .. بس مع ذلك تسلم يا رخم

» العشر الأواخر من رمضان!!
» ازاى تخلى البنات تقول لك ياعمرى
» صور تحرق الدم ((لو عربي يجب عليك الدخول))
» ازاى تبقى رزل مع حبيبتك
» ازاى تعرف انك مجنون