فى الموضوع ده يا جماعة هنتعلم فيه بالتفصيل الممل ازاى ننزل ويندوز جديد
الموضوع قد يكون سبق عرضه ولكن عرضه هنا لمن لا يعلم وكمان هنوضح فيه مفاهيم مش كتير من اللى بيسطبوا يعرفوها واوعدكم يكون فى حاجة جديدة فى الاجزاء الجاية ان شاء الله .
وفى الجزء الاول هنتعرف على بعض المفاهيم و الاساسيات اللى لازم نعرفها قبل منسطب ويندوز عشان تكون ملم باساسيات ومفاهيم مش بس مجرد انك تعرف تنزل ويندوز ومش عارف يعنى ايه ويندوز ولا اللينوكس عشان كده المفاهيم الجاية دى ............... مهمه جدا جدا
:::::
ما معنى نظام التشغيل ::::::
نظام التشغيل هو ببساطة الوسيط بين المستخدم والكمبيوتر لان الكمبيوتر اله مجرد جهاز لازم حد يترجمله الاوامر اللى احنا بنفذها عليه وهو ده دور نظام التشغيل بمعنى ان اى امر بتوجهه للكمبيوتر
من فتح او غلق اى نافذة او تشغيل ملف معين فيلم مثلا او اغنية او برنامج كتابة او رسم او غيرة
يتم تنفيذ هذا الامر عن طريق نظام التشغيل ايا كان نوع هذا النظام
:::::
ومن انواع انظمة التشغيل :::::
اشهر نظام تشغيل ومعظمنا بيستخدمه هو نظام التشغيل ويندوز باصداراته المتعدده ومنها
windows 98
windows me
windows xp
windows vista 2006 وهو ما زال قيد التطوير ويتوقع نزوله فى اخر هذا العام 2006
وفيه اصدار قديم جدا قبل ويندوز هو الdos بنحتاجة فى اوقات معينة وقليلة جدا هنقولها بعدين
وانواع اخرى غير نظام ويندوزنظام التشغيل لينوكس linux باصدراته المتعدده ايضا وتعمل على تطويره عدة شركات حيث انه مفتوح المصدر وسوف ينتشر هذا النظام بصورة كبيرة فى الفترة القادمه حيث انه منتشر بالفعل الان ولكن ليس بكثرة
مقدمة طويلة بس اعتقد انها مهمه ...... يبقى ايه الويندوز ده بقه ؟؟؟؟؟؟؟
اظن تعرف ترد .............الويندوز ده نظام من انظمة التشغيل زيه كمان linux ,unix ,dos,..
::::::::::::::::::::::::::::::: مفاهيم هامة ::::::::::::::::::::::::::::::::
Format اكيد كلنا سمع عن الامر ده ويعنى بالعربى تهيئة
::فائدته ::
فى حالة الهارد الجديد ......... مهمة جدا والا مش هيشتغل لانك بيه بتحدد نظام ملفات للهارد عشان يقدر يتعامل مع ملفاتك وبرامجك بعد كده وعشان يستقبل نظام التشغيل اللى انت هتنزله فلو انت هتنزل ويندوز اكس بى مثلا فلازم تهيأ الهارد بنظام ملفات يقبل ويندوز اكس بى ولو هتنزل اللينكس مثلا يبقى لازم تفرمت الهارد او جزء منه بنظام ملفات يقدر يتعامل مع نظلم لينوكس
ولو الهارد مش جديد ........... بنستخدمه عشان نتخلص من الملفات والمجلدات الموجوده على الهارد او على جزء منه وبنلجأ اليها لما بيكون فيه مشاكل كتير فى الجزء ده من الهارد وكمان عشان نتخلص من بقايا انظمة التشغيل السابقة او عشان اغير من نظام ملفات لنظام تانى . و طريقة الفورمات هنعرفها واحنا بنزل الويندوز بعد كده
طب ايه الفرق بين الفورمات و بين امر المسح العادى دليت ؟؟؟الامر العادى دليت بستخدمه لما اكون عاوز امسح جزء معين من الملفات الموجوده على الهارد فيلم او اغنية ..الخ ومفيش منه اى ضرر
اما الامر
فورمات استخدامه بيؤدى لمسح جميع ما يحتويه البارتيشن بالكامل من ملفات وفولدرات وهو امر خطير طبعا لانه بيمسح كل شىء وبنستخدمه لما بيكون فيه مجلدات او ملفات فيها مشاكل ومش بتتمسح بالطرق العادية وكمان بستخدمه لما يكون فيه فيروسات كتير فى الهارد واحتمال بقاءها حتى بعد مسح المجلدات وكمان بستخدمه للتخلص من بقايا انظمة التشغيل السابقه وهكذا
وكثرته تسبب اضرار على الهارد ديسك واحيانا تسبب باد سيكتور
Booting
عملية البوت المقصود بيها عملية تحميل نظام التشغيل من اى وسيط تخزين ( هارد - اسطوانة مثلا )
الى الذاكرة الرئيسية للحاسب ويظل النظام داخل الذاكرة طالما انك تعمل على الجهاز
فلو الويندوز باظ او ضرب او وقع او.... او...... او....
هتفشل العملية ومش هيقدر الكمبيوتر يحمل نظام التشغيل للذاكرة وبالتالى مش هيشتغل وفى الحالة دى هتحتاج تنزل نظام تشغيل جديد ........ ازاى ؟؟؟ ........هو ده موضوعنا الاساسى متستعجلش