أحــلــى بوســة ..

مرة واحد بيوصل خطيبته لبيت أهلها
المهم اول ما وصلو راح عمك داه رأكن على الحيطة أدام باب
العمارة وقالها:
عايز بوسة كبيييييييرة وأنا أمشي .
البنت قالتلها :لا عيب بابا يزعل.
خطيبها قالها: ليه هو أبوكي شايفنا دلوقتي؟
قالتله بدلع: لا ... بس في جيران ممكن يشوفونا ويقولو لبابا.
قالها : منا مش ماشي الأ لما اخد البوسه بتاعتي.
المهم فضلو على كده كتير .. هو ساند على الحيطة مش عاوز يعديها .. وهي تقلانة عليه
مش عايزه تديله البوسه
شوية كده وبنت صغيرة نزلت من العمارة. طلعت الأخت الصغيرة
لخطيبة الواد
فتحت باب العمارة وقالت للولد :

ازيك يا عمو .. بابا بيسلم عليك وبيقولك لو هي مش راضية تبوسك
انا ابوسك
لو مش عاجبك انا ممكن أختي التانية تبوسك
لو مش عاجبك أختي التانية ممكن ماما تبوسك
ولو مش عجباك ماما ممكن بابا نفسه يبوسك
بس عشان خاطري أوعى كتفك من على جهاز الأنتركم
علشان العمارة كلها سمعتك يابن المفضوحة