صدقينى خافت منك

زائر

بسم الله الرحمن الرحيم

صدقينى خفت منك

رغم إنك برضو أمى
وإن همك هو همى
وإنى م المفروض يا مصر
دوغرى أشعر بالأمان
لما حضنى يبات فى حضنك
بس والله صدقينى
وأعذرينى
خفت منك
أيوه والله خفت منك
لما شفت الظلم سايد
والفساد على بيضه راقد
كل يوم يفقس ويكبر
والهموم فى قلوبنا تكتر
وأنتى برضو زى مانتى
فاتحه للكل دراعاتك
اللى صهيونى
واللى صاينك
اللى حافظ
واللى خاينك
اللى إيده نضيفه زيك
واللى عاش العمر كله
ينهبك يلهف فى رزقك
كلهم يتساووا عندك
صدقينى خفت منك
رغم إنك
لسه وخدانى فى حضنك
اعذرينى خفت منك
وإفتكرك شاعرنا لما فى مرة قالك
يا بلدنا يا بلد "
هو من امتى الولد
بيخاف من أمه
لما فى الضلمه تضمه
خفت منك صدقينى "
وإفتكرتك
إفتكرتك وأنتى ساكته
ع اللى ظالمنى وظالمك
اللى هاينى وهاينك
اللى بيموت نهارك
واللى عيّب بكره عنك
أنتى ساكته
وفاتحه للكل دراعاتك
لما قطر المجد فاتك
ليا عندك ألف حق
إنى أصرخ بأعلى صوت
وأنخلع يوم م السكوت
حتى لو هأصرخ وأموت
حتى لو كنتى تلومينى
أعذرينى
خفت منك
خفت منك
صدقينى

زائر

زائر

اخي ايمن بالصبر تحقق الاحلام وبالامل نصل لغاياتنا ..
ازال الله الهم والخوف عن مصر وابناء الامة العربيه والاسلامية كلها وادام عليها نعمة الامان والرخاء والاطمئنان..
بتمسكنا بديننا الاسلامي نوحد كلمتنا ونقف صفا واحدا ويدا واحدة لينقشع الظلم والخوف عن بلادنا .. والله ولي التوفيق ..
سلمت يا ايمن لما عبرت به بداخلك ولك تحياتي .. ودمت.

زائر

الله على كلامك الحلو
سلمت ايمن وسلم قلمك وابداعك
ربنا يحفظ
بلاد الوطن العربي كلها يااااااااااارب
تقبل مروري

أيمن متخفش مني دنا حبيبك تعالى

زائر

تسلمى لية ارق احساس

وحفظ الله لنا اوطاننا اختى من كل الشرور

دمتى لنا نعم الاخت

زائر

سلمتى لينا ارق اشواك من كل شر

ويارب تستمتعي بزيارتك لوطنك

بس لا تطولي علينا الغيبة اشواك

زائر

السلام عليكم السادة زوار هذا المنتدى
والسادة المشرفين
اريد اوضح اننى انا المؤلف الاصلى لقصيدة صدقينى خفت منك وعندى كل ما يثبت حقى كمؤلف لها
لذا الرجا من الاخوة الافاضل عند التكرم بنقل شىء من منتدى ما الاشارة الى كاتب الموضوع الاصلى وهذا من باب االامانة
على اى حال اسعدنى جدا اعجابكم بالقصيدة ولزم منى التوضيح وشكرا جزيلا لكم

مجدى الصفطى
emil : [ندعوك للتسجيل في المنتدى أو التعريف بنفسك لمعاينة هذا الرابط]

» {{{{ صدقينى خفت منك}}}}