(اخر البنات المحترمـــات)

تذكير بمساهمة فاتح الموضوع :

.

بنـــــــــــــــــــــــات

احنا معانا خيال فنان رائع مبدع يعني ممكن يكون حاطط نهايه معينه وبعدين مع سرحانه وتعمقه بالكتابه ياخد طريق تاني

بس بجد اسلوبك حبيبي مشوق كتير وحتي لو كانت دي النهايه بس بردو مشدودين نعرف التفاصيل

ومين نجيب محفوظ ؟؟!!! ده ايمــــــــن الي بيكتب مش غيره

بالتوفيق يا قمر

اشواك ناعمة كتب:: ميرسي بجد ايمن لانك خبرتني النهاية وصدقني راح تابع احداث القصة لانها بتشدني بجد الحوار كتير
حلووووووووووووووووووووووو تسلم بجد ودمت

تسلمى شوشو انتى بس تامري يا قمر

تحبي بدل ما احرقلك النهاية احرق ايمووو كمان
ههههههههههههههههههههههههه
تسلمى شوشو من كل شر

دانه الدنيا كتب:: بجد قصة وحوار رائعين من اوع الكتابات مش قلتلك

قبل انها حتنسرق منك انت حتوصل على كلامي وحتشوف

انا كل ما احب انا افتح الصفحة وكاني بقراء كتاب او حكاية من حكايات نجيب محفوظ

بجد انا بطلب منك ما تعلن نهايتها ولا تخبرنا اترك اشواقنا ليها ايه الي حيجرى فالنهاية

تسلم تسلم تسلم يا مبدع المنتدى

وتحياتي لك ومتمنياتي لك بالنجاح ,.,, يارب

نوجة تسلمى يا قمر

بجد كلامك بيسعدنى

وبيخجلنى اوى اوى اوى

معلش اعلانا النهاية نوجة
بس لعلمك الاحداث احلي من النهاية
تسلمى لي من كل شر غاليتى

عاشقه المستحيل كتب:: بنـــــــــــــــــــــــات

احنا معانا خيال فنان رائع مبدع يعني ممكن يكون حاطط نهايه معينه وبعدين مع سرحانه وتعمقه بالكتابه ياخد طريق تاني

بس بجد اسلوبك حبيبي مشوق كتير وحتي لو كانت دي النهايه بس بردو مشدودين نعرف التفاصيل

ومين نجيب محفوظ ؟؟!!! ده ايمــــــــن الي بيكتب مش غيره

بالتوفيق يا قمر

تسلمى عاشقة بجد كلامكم بيخجلنى

يارب تسلميلي من كل شر يا ارق ملاك
يا ملاكى الحارس
دمتى لي دوما اقرب الناس الي قلبي
متخفيش عاشقة المفاجات كتيرة اوى اوى اوى في القصة
اكتر من ما تتخيلي
وكل وحدة بتغير اتجاة الاحداث
سلمتى غاليتى من كل شر

(الحلقه السابعه)

دب الخوف في قلب منى من كلام سارة , من الصادق ياترى؟, وشعرت ببعض الشك في شيرين , بينما لم يطاوعها قلبها للشك في احمد , فحاولت عدم التفكير بالامر , وكأن شيئا لم يكن , وعادت للتخدير الذي يقوم به احمد عليها, ومكالماته التليفونية التى بدأت تطول وتطول, وقد تصبح اكثر من مرة في اليوم , بسبب وبدون, وقد يتصل فقط ليخبرها بما فعله طوال اليوم .
اما احمد, فكانت خطتة تمشي على اتم وجة, هاهو ذا وصل الي منتصف الطريق , بدأ يتعرف على منى اكثر واكثر , فهو يحادثها يوميا , ولا يمل الحديث ابدا, فقد وجد طريقة لاستدراجها في الحديث عن نفسها, كان يتحدث عن نفسه , وعما يفعله , وكأنه يعطيها تقريرا يوميا , فما كان منها الا ان تجيب ببعض ما فعلته, او تتحدث عن نفسها او اخوتها, وهو يخزن هذه المعلومات في رأسه, فقد كان هذه هو المطلوب , وبدأت منى الغامضة تنكشف امامه , وبدأ يشعر رويدا رويدا, بمدى سذاجة الفتاة وحسن تربيتها, وحدث هذا حين دخل مؤمن عليها ذات مرة وهي تتكلم فاغلقت الهاتف , وبعد ذهابه عاد احمد يتصل.
احمد: ايه يا بنتي, الخط قطع؟
منى: لا ,دا مؤمن دخل الاوضة فقفلت.
احمد: وايه يعني؟.
منى: يا سلام ,ولما يسألنى بتكلمي مين اقوله ايه؟.
احمد:قوليله واحد زميلي في الكلية.
منى: وانا بكلم واحد زميلي في التليفون ليه؟.
احمد: قوليله اي حاجة , بسأله عن حاجة , او اي حاجة تانية.
منى: انت عايزني اكذب عليه؟.
أ*امال انتي الي عملتيه دا كان ايه يا فالحة
احمد: طيب قوليله الحقيقة.
منى: انت اتجننت , انت عايزني اقوله ...........
م* صحيح يامنى , هتقوليله بكلمه ليه, بكلمه بالساعات وكل يوم ليه
وهو ماله , انتي مبتعمليش حاجة غلط
ولما هو مش غلط انا خفت وقفلت ليه
ولما هو غلط بتعملي ايه ع التليفون لسه
احمد:ايه يا موني سكتى ليه؟.
منى: لا مفيش سيبك انت من الموضوع دا.
احمد: بس انا عايز اتكلم في الموضوع دا.
منى:........................
احمد: انا بصراحة كنت عايز اتكلم في الموضوع بقالي مدة بس كنت مستني وقت مناسب, وانا خايف افضل استني الوقت المناسب وميجيش.
منى:موضوع ايه؟.
احمد: منى, بصراحة , انا كان الاول مش في دماغي , بس من فترة كدة , انا بدأت اخاف غلى نفسي ,انا عمري ماكنت كدة,وكنت خايف ان اليومدا ييجي وعرفش اتكلم.
منى: احمد, انا مش فاهمة حاجة.
م*ربنا يستر
أ*اهو عشان احمد دي انا مش هرحمك
احمد: منى , انا كنت فاكر في الاول اني متهيألي , بس بقالي مدة متأكد.
منى: فيه ايه؟
احمد: منى انا مشدود ليكي اوي, انا اول ما حسيت بكده حاولت ابعد ,لوتفتكري فيه فترة مكنتش بكلمك فيها, بس مقدرتش لقيتني بدل ما بكلمك في اليوم مرة بكلمك اكتر من مرة, ولقتني بحب اشوفك,وعايز اقرب منك, صدقيني انا مش كده, ومكانش دا قصدي انه يحصل, بس مش بايدي, انا كنت خايف اقولك لا تصديني وساعتها مش عارف هعمل ايه, بس انتي كان لازم تعرفي, انا بقولك ومش مستني منك رد, منى انا بجد معجب بيكي, وانتي فعلا غيركل البنات الي عرفتهم ,مش كلام افلام زي مابيقولو, انا عمري ما استريحت لحد زي ما استريحتلك , انا عارف انك اكيد ياما سمعتى الكلام دا ,ويعني.........منى.... انا مش عارف اقولك ايه بصراحة, انا عمري ماكنت مرتبك قدام بنت كدة بس انا والله عمري ما حسيت ناحية بنت زي ما انا حاسس ناحيتك.
أ* هووووف..... انتي لو حجر بقي برده متقدريش ع الكلمتين دول
م*آ.......آآآآآ...آ
منى:.............................................. .....................
احمد:انا عارف اني اتعديت حدودي , بس دا الي انا حسيته وكان لازم اقوله, لو مش عايزة تردي براحتك, انا مكنتش منتظر منك رد اصلا , انا ...........,انا بجد مش عارف اقول ايه, انا يامنى بجد مكانش نفسي ان دا يحصل, وانا اسف اذا كنت ضايقتك, وانا بجد مرتبك , فاعذريني, انا جازفت وكشفتلك نفسي ومشاعري , بس انا مش قادر اخبي عليكي , واكلمك عادي , كأن مفيش حاجة في قلبي ليكي, وبعدين انتي قريبة منى اوي, متفتكريش ان كان سهل عليا اني افاتحك في الموضوع .
منى: ...............
أ*انتي اتخرستي ليه
م* انا.... يعني.....
احمد:بصي يا مني انا مقدر موقفك وانا مش هضايقك اكتر من كده, انا هقفل , ولما تقدري تردي عليا , معرفش بقي.... ابقي اكلمك او تكلميني بس انا دلوقتى هقفل واسيبك تفكري , لان واضح اني احرجت نفسي واستغفر اللهتك معايا.
أ*انطقي بقي يا بت,انا هقفل بجد, ربنا يهديكي
منى:...................
م*ياسلام ,انت تعملها وتجري
احمد: انا هقفل؟؟؟.
منى:سلام يا احمد.
أ*سلام ايه انتي صدقتى
احمد: باي يا منى.

أ* انت ليه اتسرعت, مكانش المفروض تنطق دلوقتى خاااااااالص
اعمل ايه بقي الي حصل
اديك اتدبست والبت ما نطقتش,وممكن الموضوع كله يتفرقع دلوقتى, مش كنت تستنى تتأكد انها بتحبك
بتموووت فيا , ايه رأيك بقي
طب لما نشوف
.............................
...................
تفتكر هي هتعمل ايه دلوقتى
انا عارف في المصيبة الي انت هببتها دي
بس انا كنت بتكلم بجد , انا نص الكلام الي قلته حقيقة مش كده برضه
والله يا حبيبي انت ادرى بنفسك , انت هتقع لي فيها وتيجي تستنجد بيا؟
انا موقعتش فيها بس هي عاجباني بجد
طيب بص انت تكمل عليها النهاردة متسبهاش عشان تبقى ضربت على الحديد وهو سخن
ماشي, باليل ابعتلها الرسالة, قشطة كده يا كبير؟
قشطة يا ايمو
****************
م* يانهار ابيض ....وابيض ليه دا اسود
ايه ايه ,مالك كده عاملة مناحة, مش تحمدي ربنا
على ايه؟,انا مش فاهمة حاجة
انتي هتستعبطي , الواد وطلع معجب بيكي زي مانتي معجبة بيه ,ايه الي حصل بقي , دلوقتى لما اعترفلك بقي كخة, كان عاجبك بس وهو تقلان عليكي
لا طبعا, بس هو .....مش عارف ينقي الوقت, حد يخبط حد بالكلام كدة, وعامل زي الراديو معرفتش ارد عليه
مش انتي الي عملتي فيها خرسا, الواد قعد يكلمك وانتي ساكته
كنت هقوله ايه يعني, وانا والله كمان دايبة فيك تعالي نتجوز
لا, بس كنتي متبانيش هبلة اول مرة تسمعي كلام حلو
طيب ما هو مكانش اول مرة اسمع كلام حلو
امال اتغابيتي ليه؟
اهو الي حصل بقي, المهم دلوقتى هنعمل ايه؟
انا مالي, شوفي انتي عايزة ايه
مش عايزة حاجة
ياسلام, تبقي هتموتي على الولد واول ما يقولك كلمة حلوة تقولي ,معلش مش عايزة حاجة
اعمل ايه انا طيب
تحضري كلمتين تردي عليه بيهم ,لانه هيفتح الموضوع دلوقتى او بعدين
اقوله انسي يا احمد احنا اصحاب صح؟
يا سلام هيقوم احمد ينسي وترجعو اصحاب تاني
ايوة
يا حلاوتك, اولا كدة,بعد الي حصل دا مبقاش ممكن ترجعو اصحاب اصلا, ثانيا لو رفضتيه ممكن متشوفيهوش تاني خالص
ياخبر ابيض
امال انتي فاكرة ايه, ثالثا لو قلتيله مع السلامة ممكن يتكلم عليكي ويقول كانت بتكلمني بالساعات على التليفون وهو عنده حق
كنا بنتكلم عادي , احنا عمرنا ما اتكلمنا في حاجة خارجة
انتي هتضحكي عليا ولاعلى نفسك, هو فيه اصحاب بيتكلمو في التليفون بالساعات
مش كان في الاول عادي ردي ردي, دلوقتى الكلام اتغير؟؟
ياحبيبتي انتي كنتي فاهمة من الاول بس كنتي عاملة مستهبلة,انا كنت بنصح وانتي الي بتعملي الي انت عايزاه, انتي الي كنتي عايزاه يقولك كدة
انا؟؟؟؟؟
لا ,انا؟؟؟, طبعا كنتي عايزاه وكنتي بتشجعيه , واهو الي انتي عايزاة حصل , شوفي بقي هتردي تقولي ايه, ومتطلبيش منى اطلعك من المشكلة
انا عايزة نفضل اصحاب وميفتحش الموضوع تاني
لو شايفة انه ممكن جربي
يااااااربي اعمل ايه, انا محتارة اوي
وفرحانة اوي
نعم؟؟؟
ايوة, تنكري انك فرحانة
وانا هكدب ليه, طبعا فرحانة ,بس برضة محتارة
خلاص سيبك انتي وشوفي هو هيتصرف ازاي
صح كده, اما اشوف هو هيعمل ايه ,مش يمكن يطنش على الموضوع خالص
ايوه كده
قاطع حبل افكارها صوت رسالة على الموبايل , فتحتها فاذا بها من احمد:
"بحبك"

زائر

وااااااااااو القصة بتحلو اكتر واكتر تسلم ايدك ايمن عنجد اسلوبك بشدني بالقراءة وبعجبني كتير الي بحكوه مع حالهم هههههههههههههههههههههههههههههه تعليقات بتعئد هههههههههههههههههه يلا الحلقة 100 قصدي 8 ههههههههههههههههه يلا مستنين ودمت

هههههههههههههههههههههههه
شوش وتتعجليش هنوصل للحلقة 100
ههههههههههههههههههههههههههههه
تسلمى من كل شر شوشو

يارب يطمنا عليكى
عشان خرجتى من الشات تعبانة اليوم

الله الله الله يا ايمووووووووووووووو

بجد رااااااااااااائعه بتجنن

ايه يا فنان ده والله قرأتها 3 مرات وبجد اسلوبها راقي بسيط

ويا ريت نستعجل شويه عشان نعرف هيحصل ايه

بانتظارك

دمت بخير

عاشقة اية يا ماما مركزة اوى علي ايمووووو $#$#$# Neutral

بس بصراحة مش هنكر انو فية كتير من شخصيتى

تسلمى يا قمر علي رفع روحى المعدنية
سلمتى ارق عاشقة من كل شر

jocolor

الحلقة بجد تحفة يا ايمن والقصة كلها دمها
خفيف موت انا بقيت استنى كل حلقة علشان اعرف ايه اللى حصل

شكلنا داخلين على حالة ادمان ايموووو ومونيييي

jocolor

» أنواع البنات بالماسنجر . أي نوع من البنات انتي ؟؟؟؟؟
» شعر البنات
» رجل كل البنات تتمناه
» سرعة بديهة البنات
» حالة البنات ايام الحب

*(اخر البنات المحترمـــات)*

(اخر البنات المحترمـــات)